For more interesting readings, please visit :

For more interesting
readings please visit:

www.adilmansuri.wordpress.com
www.ghazalgurjari.com
www.mansuri.com

જયારે પ્રણયની જગમાં…

જયારે પ્રણયની જગમાં…

જયારે પ્રણયની જગમાં શરૂઆત થઈ હશે

ત્યારે પ્રથમ ગઝલની રજૂઆત થઈ હશે

પહેલા પવનમાં કયારે હતી આટલી મહેક

રસ્તામાં તારી સાથે મુલાકાત થઈ હશે

ઘૂંઘટ ખૂલ્યો હશે અને ઊઘડી હશે સવાર

ઝૂલ્ફો ઢળી હશે ને પછી રાત થઈ હશે.

ઊતરી ગયા છે ફૂલોના ચહેરા વસંતમાં

તારા જ રૂપરંગ વિશે વાત થઈ હશે

‘આદિલ’ને તે દિવસથી મળ્યું દર્દ દોસ્તો

દુનિયાની જે દિવસથી શરૂઆત થઈ હશે